ස්ත්‍රී දේහ ලක්ෂණ විද්‍යාවේ සැඟවුනු රහස් (02 කොටස)
Posted by Unknown on Tuesday, September 23, 2014 |
මෙම ශුභාශුභ පිහිටන්නේ කර්මානුරූපව බව අප දනිමු. පුරාණයේ දෙවිවරුන් හා සමාන ඍෂිවරුන්ගේ මතය අනුව මෙවන් උතුම් කාන්තා රත්න රජවරුන් විවාහ කරගෙන ඇත. අප බලමු ඒ කාන්තා ලක්ෂණ කවරේද කියා.
_ උතුම් වූ ස්ත්‍රී ශුභ ලකුණු _
● ස්ත්‍රියකගේ නාභිය ගැඹුරට පිහිටා දකුණට කැරකීම සැප සම්පත් ලබන ලක්ෂණයකි. මහත් උදරය පුතුන් වදන්නියකි. උදරය මත සිනිදු රේඛා පිහිටා තිබිම සහ රැළි 3ක් තිබිම ඉතාම ශුභය- මෙවන් ස්ත්‍රිය කල්‍යාණියකි.
● සිරස උස්වීම කේශ පන්තිය පංච කල්‍යාණයේ සදහන් ලෙස කිතුල් මල් රෑනක් මෙන් පිහිටිම ශුභයි.
● යෝනියේ නළල උසින් පිහිටා තිබීම ශුභ ලකුණකි. මාංශ සහිතව සිනිදු රෝම බොහෝ වේද එම රෝම දකුණු පසට කැරකී සිටීම ඉතාම ශුභයි.
● ස්ත්‍රියකගේ පපුව රෝම වලින් තොරවීම ඇතුලට නෙරා නොගොස් තිබීම ස්වකීය ස්වාමියාට සැප සම්පත් ලබාදෙන්නියකි. පපුව සමමිතිකව පිහිටා තිබිම මහත් සුභය.
● පියයුරු ඝනවී වටවී පෘෂ්ඨිමත්ව 2 එක සමානව පිහිටා තිබිම උතුම්ය. දකුණු පියවුර උස් නම් පුත්‍ර ලාභි වෙයි.
● තනපුඩු යුවල දැකුම්කළු වේද කාලවර්ණව වටවී තිබේද උතුම්ය. තවද කිහිලි 2 සියුම් රෝම වලින් පිහිටා සිටීමද උස් වී සිනිදු මාංශ සහිත නම් උතුම්ය.
● ස්ත්‍රියකගේ අල්ල මැදින් උස්වී රතු තලය නම් සිදුරු නැත්නම් උතුම්ය.
පිට අල්ලේ රෝම නැතිව නහර නොපෙනේ නම් ඉතා උතුම්ය.
● ස්ත්‍රියකගේ යටි තොල රතුවට සමමිතික රේඛාවෙන් පිහිටා සිටිම රාජ බිසවක් සමානය. උඩු තොලේ නහර රහිතව පිහිටා සිටිම ඇය භව බෝග ලබන ඇත්තියක් වේ.
● ස්ත්‍රියකගේ දත් එළකිරි සමානව හැඩව දත් 32 පිහිටා තිබිම ඉතාම ශුභ වේ.
ස්ත්‍රියකගේ දිව රතු පැහැ වී මෘදුවිම ඇයට ඉතා මිහිරි ආහාර පාන ලැබෙන පිහිටීමකි.
● එළකිරි සමාන සුදු ඇස්ද විශාල සිනිදු කළු ඇසි පිහාටුද ශුභ වේ.
එල්ලෙන කන් 2 වටවී නම් යුග දිවි සැපත සුභයි.
● ස්ත්‍රියකගේ බෙල්ල මාංශ වලින් වටවී සිනිදුව පිහිටා තිබීම උතුම් දේහ ලක්ෂයකි.
